سەرۆكایەتیی شارەوانیی سلێمانی رایدەگەیەنێت، بە مەبەستی سەلامەتیی شۆفێران و هاوڵاتییان شەقامی سەرەكیی چیاكانی گۆیژە و ئەزمەڕ پاككرانەوە.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، بەشی خزمەتگوزاریی شارەوانی هەڵمەتێكیان بۆ پاككردنەوە و رشتنی خوێ لە چیاكانی گۆیژە و ئەزمەڕ لە پێناو سەلامەتیی هاوڵاتییان و گەشتیاران بە تایبەت ئەوانەی لە ئێوارە و شەواندا سەردانی ئەو شەقامانە دەكەن ئەنجامدا.
هەر لە راگەیەندراوەكەدا هاتووە، داواكارین لە هاوڵاتییان هاوكارمان بن و سەردانی چیاكانی گۆیژە و ئەزمەڕ نەكەن لەپێناو سەلامەتی هەموو لایەكدا.
