لەلایەن هێزەكانی پۆلیسی سلێمانییەوە ئەو تۆمەتبارە دەستگیركرا كە هاوسەر و خەسوو و خەزووری برینداركردبوو.
بەڕێوەبەرایەتی پۆلیسی پارێزگای سلێمانی ڕایگەیاند، دوای ئەوەی ئێوارەی ڕۆژی شەممە 17ی ئەم مانگە هێزەكانیان ئاگاداركرایەوە لە بوونی ڕووداوێك لە ناوچەی تانجەرۆی سلێمانی، هێزەكانی پۆلیسی فریاكەوتن گەیشتنە شوێنی ڕووداوەكە و دەركەوت تۆمەتبارێك بە چەقۆ هێرشی كردۆتەسەر هاوسەر و خەسوو و خەزووری و برینداری كردوون.
لەلایەن هێزەكانی پۆلیسەوە تۆمەتبار (م.خ.ح. تەمەن 21 ساڵ) لەلایەن مەفرەزەكانی بەشی پۆلیسی فریاكەوتنەوە دەستگیرکرا و بریندارەكانیش بۆ نەخۆشخانە گواسترانەوە.
پۆلیسی سلێمانی ئەوەشی خستەڕوو، لەبەر تایبەتمەندێتی دۆسیەكە، تۆمەتبار ڕەوانەی بەڕێوەبەرایەتیی بەرەنگاربوونەوەی توندوتیژی دژی ئافرەتان و خێزان لە سلێمانی كرا.
