بانکی ناوەندیی عێراق خشتەی فرۆشی دۆلاری ئەمڕۆی بڵاوکردەوە و وەک لە خشتەکەدا هاتووە، 205 ملیۆن دۆلاری خستەبازاڕەوە، زۆرینەی پارەکە بەشێوەی حەواڵەی بازرگانی بووە، نرخی 100 دۆلار لەبازاڕەکانی هەرێم و عێراقدا هاوتای 151 هەزار و 700 دینارە.
ئەمڕۆ یەکشەممە، بانکی ناوەندی خشتەی فرۆشی دۆلاری بڵاوکردەوە، بۆ ئەمڕۆ بانکەکە 205 ملیۆن و 494 هەزار و 652 دۆلاری فرۆشتووە و لەو بڕە 189 ملیۆن و 24 هەزار و 652 دۆلاری بەشێوەی حەواڵات بووە و 16 ملیۆن و 470 هەزاری بەشێوەی کاش بووە.
ماوەی چەند رۆژێکە نرخی دۆلار تا رادەیەک جێگیری بەخۆیەوە دیووە و دوورە لە بەرز و نزمبوونەوەی لەناکاو و بڕی زۆر و لە نێوان 151 هەزار بۆ 152 هەزار دیناردایە.
