ئەنجومەنی هەڵبژێردراوی پارێزگای سەڵاحەدین یەکەمین کۆبوونەوەی خۆی ئەنجامدا و تێیدا پارێزگار و سەرۆکی ئەنجومەن و جێگرەکەی هەڵبژێردران.
ئەمڕۆ یەکشەممە لە کۆبوونەوەی ئەنجومەنی پارێزگای سەڵاحەدین بە زۆرینەی دەنگ ئەحمەد جبوری وەک پارێزگار و عەلی ئەیمەن شوکر وەک جێگری پارێزگار و تارق فەهد وەک جێگری هونەری هەڵبژێردران.
هەر لە کۆبوونەوەکەدا عەلی عادل عەبدولسەلام وەک سەرۆکی ئەنجومەنی پارێزگا و محەمەد حەسەن عەتییە وەک جێگری سەرۆکی ئەنجومەنی پارێزگا هەڵبژێدران.
ئەنجومەنی پارێزگای سەڵاحەدین وەک یەکەمین پارێزگای عێراق توانی کۆتایی بە دۆسیەی هەڵبژاردنی ئەنجومەنی پارێزگاکە بهێنێت.
