بافڵ جەلال تاڵەبانی، سەرۆكی یەكێتیی نیشتمانیی كوردستان بۆ كۆچی دوایی حەمەی وەلی پەیامێكی هاوخەمی بڵاوكردەوە و دەڵێت “كاك حەمەی وەلی جگە لەوەی دۆستی نزیك و دێرینی سەرۆك مام جەلال بوو، پێگەیەكی كۆمەڵایەتی و كاریگەری هەبوو”.
دەقی پەیامی هاوخەمیی سەرۆك بافڵ
بەڕێزان كەسوكار و بنەماڵەی سەربەرزی كاك حەمەی وەلی
“بەداخێكی زۆرەوە هەواڵی كۆچی دوایی پێشمەرگەی دێرین و كەسایەتیی دیاری دەڤەری گەرمیان (حەمەی وەلی)مان پێگەیشت”.
بۆ ئەم خەمە گەورەیە پرسە و هاوخەمیی قووڵی خۆمان ئاڕاستەی كەسوكار و بنەماڵە تێكۆشەرەكەتان دەكەم و هاوبەشی خەمتانم.
كاك حەمەی وەلی جگەلەوەی دۆستی نزیك و دێرینی سەرۆك مام جەلال بوو، پێگەیەكی كۆمەڵایەتی و كاریگەری هەبوو.
لەخوای گەورە داواكارم هەڤاڵی كۆچكردوومان بە بەهەشتی بەرین شادبكات و سەبووری بە هەموولایەك ببەخشێت”.
