وەزیری دادی عێراق رایدەگەیەنێت، سەرۆك وەزیرانی عێراقم لە پێشێلكارییەكانی گەڕەكی نەورۆز لە شاری كەركوك ئاگاداركردووەتەوە هێزەكە لەو گەڕەكە دەكشێنەوە و خەڵكی ئەو گەڕەكە لە شوێنی خۆیان دەمێننەوە و رێگا بە هیچ كەس و لایەنێك نادرێت پێشێلی مافی هاوڵاتییان بكات.
خالید شوانی وەزیری دادی عێراق لە لێدوانێكیدا كە پەیامنێری تۆڕی میدیایی ئێستا ئامادەیبوو رایگەیاند، لە دوێنێوە لەسەر هێڵین و محەمەد شیاع سودانی سەرۆك وەزیرانی عێراقم لە پێشێلكارییەكانی گەڕەكی نەورۆز لە شاری كەركوك ئاگاداركردووەتەوە كەمێك پێش ئێستاش پەیوەندیم بە وەزیری بەرگریی عێراقەوە كرد و ئەو هێزە لە گەڕەكی نەورۆز دەكشێنەوە.
وتيشی، “خەڵكی ئەو گەڕەكە لە شوێنی خۆیان دەمێننەوە و رێگا بە هیچ كەس و لایەنێك نادرێت پێشێلی مافی هاوڵاتییان بكات”.
