بە تۆمەتی بڕینەوەی چەندین داری بەتەمەن، لەسنووری ناحیەی بەرزنجە هاوڵاتییەک دەستگیرکرا .
بەڕێوەبەرایەتیی پۆلیسی دارستان و ژینگەی پارێزگای سلێمانی رایگەیاند، بەمەبەستی پارێزگاریکردن لە داری داستانەکانی سنووری بنکەکەیان مەفرەزەیەکی بنکەی پۆلیسی دارستان و ژینگەی بەرزنجە دەرچوون بۆ سنوورى گوندی حاجی مامەند، توانییان هاوڵاتییەک دەستگیربکەن کەهەستابوو بە بڕینەوەی 10 داری سروشتی لەجۆری بەڕوو کەتەمەنیان لەنێوان 70 بۆ 100 ساڵدا دەبێت.
بەڕێوەبەرایەتییەکە دەڵێت، پەڕاوی لێکۆڵینەوە رێکخراوەو رادەستی دادوەر کراوە بۆ وەرگرتنی رێکاری یاسایی.
