پاپای ڤاتیکان سوپاسنامەیەک بۆ قوباد تاڵەبانی دەنێرێت

باڵیۆزی ڤاتیکان لە عێراق نامەیەکی پاپای ڤاتیکانی گەیاندە دەست قوباد تاڵەبانی و سوپاسی کردووە لە هاوکاری بەردەوامی بۆ سەرخستنی سەردانەکەی بۆ عێراق.

ئەمڕۆ 29ی نیسان، قوباد تاڵەبانی، جێگری سەرۆکی ئەنجومەنی وەزیران و میتیا لیسكۆڤەر باڵیۆزی ڤاتیكان لە عێراق کۆبوونەوە و تاوتوێی بارودۆخی مەسیحییەکانی کوردستان و عێراق و چەند پرسێکی دیکەیان کرد.

لەکۆبوونەوەکەدا، میتیا لیسكۆڤەر باڵیۆزی ڤاتیكان لەعێراق، سوپاسنامەی پاپای گەیاندە قوباد تاڵەبانی جێگری سەرۆكی ئەنجومەنی وەزیران لەپای رۆڵیان لە سەرخستنی سەردانەکەی پاپا فرەنسیس بۆ عێراق و هەرێمی كوردستان كە بەشێوەیەكی سەركەوتوو و شایستە بەڕێوەچوو.

لە بەشێکی تری کۆبوونەوەکەدا، باسی بارودۆخی مەسیحییەکانی عێراق و کوردستان کراوە و لەوبارەیەوە باڵیۆزی ڤاتیكان ستایشی هاوكارییەكانی هەرێمی كوردستانی كردووە بۆ ئاوارە مەسیحییەكان.

میتیا لیسكۆڤەر ڕایگەیاندووە، “ئامانجی ڤاتیكان ئەوەیە مەسیحییەکان وەک پێکهاتەیەکی دێرین و ڕەسەنی ناوچەکە لەسەر زێد و خاكی خۆیان بمێننەوە”.

هاوکات قوباد تاڵەبانی، جەختی کردەوەتەوە لە هەڵوێستی نەگۆڕی هەرێمی کوردستان لە پاراستنی مەسیحییەکان و پێویستیی هێنانەکایەی زەمینەى پێکەوەژیانی ئاشتیانە لەگەڵ پێکهاتەکانی دیکەدا.

بابەتی پێشتر

برێت مەکگۆرگ دەگەڕێتەوە ڕۆژهەڵاتی ناوەڕاست

بابەتی دواتر

تا ئێستا حزبە کوردییەکان هیچ هاوپەیمانییەکیان بە فەرمی نەداوەتە کۆمسیۆن

بابەتی پەیوەندیدار
زیاتر ببینە

بۆردومانی كەمپی مەخمور كرا

كەمێك پێش ئێستا كەمپی مەخمور بۆردومان كرا و تاوەكو ئێستا زەرەر و زیانەكانی نەزانراون. بەپێی زانیارییەكان، بۆردومانی كەمپی…
Total
0
Share