گۆڕانکاری بەسەر نرخی نەوتی خاودا هات، بەجۆرێک بەرمیلێک نەوتی خاوی برێنت گەیشتە 80 دۆلار و 28 سەنت لە کاتێکدا، بەرمیلێک نەوتی خاوی ئەمریکی گەیشتە 75 دۆلار و 40 سەنت.
نرخی نەوت لە سەرەتای مامەڵەکانی بەیانی ئەمڕۆ پێنجشەممەدا بەرزبوونەوەی تۆمارکرد، دوای ئەوەی داتاکانی هەفتەی رابردوو زیاتر لە چاوەڕوانکراو دابەزینی کۆگاکانی نەوتی خاوی ئەمریکایان نیشاندا.
لەلایەکی دیکەوە، راگەیاندنی بانکی ناوەندی چین بۆ کەمکردنەوەی رێژەی پێداویستییەکانی یەدەگی بانکەکان هیواکانی بۆ رێوشوێنی زیاتری هاندان و بوژانەوەی ئابووری بەهێزترکرد و ململانێکان لە رۆژهەڵاتی ناوەڕاست بەردەوامییان هەیە کە هۆکارێکی دیکەی بەرزبوونەوەی نرخی نەوتە.
