سەرۆکی یەکێتیی نیشتمانیی کوردستان سەردانی بنەماڵەی لالە سەرحەدی کرد و رایگەیاند، “یەکێتی بەڕێزەوە لە خەباتی ئەو بنەماڵەیە دەڕوانێت”.
بافڵ جەلال تاڵەبانی، سەرۆکی یەکێتیی نیشتمانیی کوردستان بە هاوڕێیەتی شاڵاو کۆسرەت رەسوڵ و هاوڕێ شێخ دارۆ، ئەندامانی مەکتەبی سیاسی، خانەوادەی کۆچکردوو لالە سەرحەد خەلیفە یونس، کەسایەتیی دیاری ئێلی جاف و ریشسپیی عەشیرەتی رۆغزاییان لە گوندی دسکەرەی شارەزوور بەسەرکردەوە .
لە سەردانەکەدا سەرۆک بافڵ جەلال تاڵەبانی لە نزیکەوە پرسە و هاوخەمیی گەیاندە کوڕان و خانەوادە تێکۆشەرەکەیان و ئاماژەی بەرۆڵی لالە سەرحەد وەک کەسایەتییەکی دیاری کۆمەڵایەتی و ناسراوی کوردستان کرد کە ھەمیشە دیوەخانەکەی لە خزمەت خەڵک و چاکەی گشتیدا بوو، نەوەکانیشی رۆڵێکی گرنگ و باڵایان گێڕاوە لە شۆڕش و خەباتی گەلەکەماندا.
سەرۆک بافڵ وتیشی، یەکێتی بەڕێزەوە لە خەباتی ئەم بنەماڵە سەربەرزە دەڕوانێت و رۆڵ و قوربانیدانیان بەرزدەنرخێنێت.
