وتەبێژی حكومەتی هەرێم رایدەگەیەنێت، ئەو 618 ملیار دینارەی لەلایەن حكومەتی عێراقەوە دەنێردرێت بۆ مووچەی مانگی یەك تەرخاندەكرێت.
پێشەوا هەورامانی وتەبێژی حكومەتی هەرێم لە دیدارێكی تەلەفزیۆنیدا رایگەیاند، پێشتر بە نووسراوێك داوا لە حكومەتی عێراق كراوە كە ئەو سێ مووچە نەدراوە بۆ مووچەخۆرانی هەرێمی كوردستان بنێرێت و پێشتر دیوانی چاودێریی دارایی عێراق سەردانی هەرێمی كوردستانیان كردووە و وردبینی كراوە.
راشیگەیاند، رێككەوتن بۆ هەمواری یاسای بودجە كراوە و هەر كاتێك سەرۆكی ئەنجومەنی نوێنەرانی عێراق هەڵبژێردرا ئەوا هەمواری یاسای بودجە دەنێردرێت بۆ ئەنجومەنی نوێنەرانی عێراق و وتیشی، “ئەو 618 ملیار دینارەی لەلایەن حكومەتی عێراقەوە دەنێردرێت بۆ مووچەی مانگی یەك تەرخاندەكرێت”.
