ئیدارەی پارێزگای کەرکوک بڵاویکردەوە، بڕیاردرا بە راگرتنی دەوامی رەسمیی لە فەرمانگەکانی پارێزگاكە بۆ سبەینێ چوارشەممە، بەبۆنەی نیوەی شەعبان و زیارەتی شەعبانییەوە.
لای خۆیشیەوە رێبوار تەها، پارێزگاری كەركوک ئاشکرایکرد، پشووەکەی سبەینێ تەواوی فەرمانگەکانی پارێزگاکە دەگرێتەوە، جگە لە فەرمانگە ئەمنی و خزمەتگوزارییەکان ئەوانەی ئەرکەکانیان بە شێوەی شەو و رۆژ بەردەوامە.
ئەوەشی خستەڕوو، هەروەها زانکۆ و پەیمانگەکان سەرپشکن لە راگەیاندنی پشوو یان بەردەوامبوونی دەوام بەپێی پابەندییەکانیان.
