لە نزیک بانکۆکی پایتەختی تایلاند تەقینەوەیەک لەناو کارگەیەکی دروستکردنی یارییە ئاگرینەکان روویدا و بەهۆیەوە لایەنی کەم 18 کەس گیانیان لەدەستدا.
بەپێی میدیاکانی تایلاند، رووداوەکە بەیانی ئەمڕۆ لە دووری 120 کیلۆمەتر لە باکووری بانکۆکی پایتەخت روویداوە، بەهۆیەوە 18 کەس گیانیان لەدەستداوە و هەندێک سەرچاوەش باس لەوەدەکەن ژمارەی قوربانییەکان زیاترن.
ئاشکراشیانکرد، دووکەڵێکی زۆر ئاسمانی ناوچەکەی گرتووەتەوە، تا ئێستا نەتوانراوە هیچ کەسێکیش بە زیندوویی لەژێر داروپەردووی کارگەکەدا رزگاربکرێت.
