ماوەیەکی کەمی ماوە بۆ هاتنی مانگی رەمەزان بەپێی پێشبینییە گەردوونناسییەکان چاوەڕواندەکرێت بکەوێتە 11 ی ئازاری 2024.
لە زۆرینەی وڵاتانی موسڵمان بۆ دیاریکردنی یەکەم رۆژی مانگی رەمەزان پشت بە بینینی مانگ دەبەسترێت، بەڵام بەپێی پێشبینییە گەردوونناسییەکان چاوەڕواندەکرێت دادگای باڵای سعودیە، لە ئێوارەی رۆژی 10 ی ئازار چاودێری بینینی مانگ بکەن، گەر توانرا بە پێی ئەو مەرجە شەرعیانەی کە هەن مانگ ببینرێت ئەوا 11 ی ئازار وەک یەکەم رۆژی مانگی رەمەزان دیاریدەکرێت.
هەر بەپێی پێشبینییە گەردوونییەکان ئەمساڵ مانگی رەمەزان 30 رۆژی تەواو دەبێت و 10 ی نیسانیش دەبێتە یەکەم رۆژی جەژنی رەمەزان.
لە مانگی رەمەزانی ئەمساڵدا لە زۆرینەی وڵاتە عەرەبییەکاندا بە عێراقیشەوە لە یەکەم رۆژدا 13 کاتژمێر بەرۆژوو دەبن، بۆ رۆژانی دواتر کاتەکە درێژدەبێتەوە.
