تیمساحەكە بەخێرایی لەناو دەریاكەدا ونبوو دوای ئەوەی دانیشتووان و خێزانی قوربانییەكە تەرمی منداڵەكەیان بینی.
دانیشتووانی شارۆچكەی موارا جاوا-ی ئیندۆنیسی سەرسامبوون بە دەركەوتنی تیمساحێكی گەورە كە لەسەر پشتی تەرمی منداڵێكی پێشتر نقومبووی هەڵگرتووە، دوای ئەوەی كەسوكارەكەی شكستیان هێنا لە دۆزینەوەیدا.
تیمساحەكە لە دەریای ماهاكام لە ناوچەی كالمنتانی رۆژهەڵات لە ئیندۆنیسا، تەرمی (محەمەد زیاد ویجایا)ی تەمەن چوار ساڵانی بۆ كەناراوەكان گەڕاندەوە.
لە گرتە ڤیدیۆكاندا تیمساحەكە دەردەكەوێت كە تەرمی منداڵە بچوكەكەی لەسەر پشتی هەڵگرتووە و لە كەناراوەكانی نزیكدەكاتەوە.
ini videonya beredar di grup wa, anak tersebut hilang hari rabu, dan info warga sekitar, buaya tersebut mengantarkan anak itu ke permukaan. pic.twitter.com/FiXFxl0c6y
— juple (@pentolrebuss) January 20, 2023
تیمی گەڕان و رزگاركردن و دانیشتووان دوای بەدیكردنی، تەرمەكەیان دەرهێنایەوە و بەرەو وشكانی گواستیانەوە.
دوای گەیاندنی بە وشكانی دەركەوت ئاسەواری هیچ برینێكی لەسەر نییە، جگە لە شوێنی گازگرتنێك لەسەر پشتی كە پێدەچێت تیمساحەكە بۆ بەرزكردنەوەی تەرمەكەی لەناو ئاوی دەریاكە و پاشان هەڵگرتنی لەسەر پشتی ئەنجامیدابێت.
پێشتر تیمەكان لەبارەی نقومبوونی منداڵەكە لە دەریای ماهاكام ئاگاداركرایەوە و ئاشكراكرا، كاتێك بە تەنها لە پشتی ماڵەكەی خۆیان لە موارا جاوا یاریكردووە، كەوتووەتە دەریاكەوە.
