دوای ئەوەی ئەلبا، بوسکێتس و سوارێز پەیوەندییان بە یانەی ئینتەر میامییەوە کرد، پێدەچێت فیلیپ کۆتینیۆ-ش بۆ یاوەریكردنی مێسی پەیوەندیی بەو یانەیەوە بکات.
لەئێستادا ئەستێرە بەڕازیلییەکە یاریزانی یانەی ئاستۆن ڤێلایە و بە خواستن یاری بۆ یانەی دوهەیلی قەتەری دەکات و، لە سەرەتای وەرزەوە تەنها 419 خولەک یاری کردووە.
رۆژنامەی ئاس ئاماژەی بەوە کرد، رەنگە کۆتینیۆ روو لە ئەمریکا بکات ئەگەر گرێبەستەکەی لەگەڵ یانە قەتەرییەکە هەڵبوەشێتەوە، هەروەها ئەو یاریزانە جگە لە ئینتەر میامی، ئارەزووی یانەی لۆس ئەنجلۆس گالاکسیی ئەمریکی هەیە.
