بەڕێوەبەرایەتیی نەوت و کانزاکانی سلێمانی بڵاویکردەوە، ئەو بڕە نەوتەی بڕیارە حکومەتی عێراق رەوانەی بکات، بەهۆی کەمی بڕەکەیەوە لەناو سەنتەری شاری سلێمانی دابەشناکرێت.
بەڕێوەبەرایەتیی نەوت و کانزاکانی سلێمانی لە روونکردنەوەیەکدا بڵاویکردەوە، ” بڕی ئەو نەوتەی کە بڕیارە لەلایەن حکومەتی عێراقەوە بنێردرێت 21 ملێۆن لیترە بۆ سنوورەکانی پاێزگای سلێمانی و هەردوو ئیدارەی راپەرین و گەرمیان کەئەمەش تەنها بەشی ناوچە شاخاوییە ساردەکان دەکات و لەناو شار دابەش ناکرێت.
ئاشکراشیکرد، دابەشکردنی ئەو نەوتەی لەلایەن وەزارەتی سامانە سروشتییەکانەوە دابینکراوە بە نرخی 103 هەزار و 500 دینار لەسەنتەری شاری سلێمانی لە مەڵبەندەکانی حەوت و هەشت بەردەوامە.
