راوێژكارێكی سەرۆك وەزیرانی عێراق رایدەگەیەنێت، فەرماندەی گشتیی ھێزە چەكدارەكانی عێراق تاوتوێی چەند رێوشوێنێك دەكات بۆ وەڵامدانەوەی ئەو هێرشەی كرایەسەر بارەگای هێزەكانی حەشدی شەعبی لە عێراق.
حسێن عەلاوی، راوێژكاری محەمەد شیاع سودانی سەرۆك وەزیرانی عێراق رایگەیاند، حكومەتی عێراق دژی ئەو جۆرە هێرشانەیە و سەرۆك وەزیرانی عێراقیش هۆشداریداوە لە ھەر كردەوەیەك كە هەڕەشە بێت بۆ سەر بەرژەوەندیی نشتمانیی عێراق.
راشیگەیاند، یەكێك لە رێكارەكان پێشكەشكردنی سكاڵایە لەسەر ئاستی نێودەوڵەتی، بەڵام سەرۆك وەزیران دەیەوێت عێراق بە دوور بگرێت لە ململانێ و پەلكێشكردنی بۆ ئاڵۆزییەكانی رۆژهەڵاتی ناوەڕاست.
