عێراق بە پێدانی مووچەی خانەنشینی شارستانی و سەربازی، دەست بە دابەشکردنی مووچەی مانگی کانونی دووەمی 2024 دەکات.
وەزارەتی دارایی عێراق لە راگەیاندراوێکدا بڵاویکردەوە، ئەمڕۆ چوارشەممە، بەشی ژمێریاری دەستیکرد بە دابینکردنی پارە بۆ مووچەی خانەنشینانی شارستانی و سەربازی بۆ مانگی کانونی دووەمی 2024.
باس لە ئەوەش کراوە، وەزارەتەکە رێکارەکانی پێدانی مووچە لە رێگای بانکی رافیدەین و رەشید و دەستەی خانەنشینی نیشتیمانی خێراتر دەکات بۆ تەواوکردنی پرۆسەی دابەشکردنی مووچە لە رێگەی کارتی پارەدانی ئەلیکترۆنییەوە.
وەزارەتەکە داوا لە سەرجەم خانەنشینانی شارستانی و سەربازی دەکات کە نامەی کورتیان پێدەگات سەردانی لقی بانکەکان بکەن لە بەغداد و پارێزگاکانی دیکە بۆ وەرگرتنی مووچەکانیان.
