سەرۆكی فراكسیۆنی یەكێتی لە ئەنجومەنی نوێنەران رایدەگەیەنێت، بڕیارە لەم مانگەدا لیوای 20 كە بە لیوا هاوبەشەكە ناوی دەبرێت دەستبەكاربن و مووچەشیان لەسەر عێراق دەبێت.
هەرێم كەمال ئاغا، سەرۆكی فراكسیۆنی یەكێتی لە ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، لە دوو رۆژی رابردوودا لەگەڵ وەزیری بەرگریی عێراق كۆبوونەوەمان ئەنجامداوە و ئەو پرسیارەمان ئاراستەی كرد و رایگەیاند هیچ گرفتێكی یاسایی و كارگێری نەماوە و دوای كاركردن بە یاسای بودجە دەستبەكاردەبن.
راشیگەیاند، بڕیارە لەم مانگەدا لیوا هاوبەشەكان دەستبەكاربن و ئەركیان پێبسپێردرێت و لە هەمانكاتدا مووچەیان لەسەر حكومەتی عێراق دەبێت لەو رۆژەی دەستبەكاردەبن مووچەیان بۆ دەبەسترێت.
