راوێژکارێکی سودانی رایگەیاند، عێراق لەو وڵاتانەیە کە رێژەی گەشەی دانیشتووانی لە ئاساتێکی بەرزدایە بە شێوەیەک لە یەک ساڵدا ژمارەی دانیشتووانی یەک ملیۆن کەس زیاددەکات.
مەزهەر محەمەد ساڵح راوێژکاری دارایی سەرۆک وەزیرانی عێراق رایگەیاند، عێراق لە ریزی ئەو وڵاتانەدایە کە گەشەی دانیشتووانی بەرزە کە دەکاتە 2.5% و زیاتریش، لە ساڵێکدا یەک ملیۆن کەس لە ژمارەی دانیشتووان زیاددەکات و ساڵ بە ساڵیش رێژەکە روو لە بەرزبوونەوە دەکات.
ئاماژەی بەوەشکرد، حکومەت لەبەردەم دوو ئاڵنگاریی گەورەدایە یەکەمیان دەبێت کاربکرێت بۆ گرتنەبەری سیاسەتێکی گونجاو بۆ بەکارهێنانی ئاو دووەمیشیان دەبێت رێگری لە کۆچی دانیشتووانی گوندەکان بکرێت بۆ شارەکان و گوندی مۆدێرن دروستبکرێن.
