لەسەر بڕیاری وەزارەتی ئاوەدانکردنەوە و نیشتەجێکردن پڕکردنەوەی فۆڕمی یەکەی نیشتەجێبوون بۆ خێزانە کەمدەرامەتەکان بۆ ماوەی مانگێک درێژکرایەوە.
وەزارەتی ئاوەدانکردنەوە و نیشتەجێکردن بڵاویکردەوە، وەک کارئاسانییەک بۆ ئەو کەسانەی دەرفەتیان بۆ نەڕەخساوە تا ئێستا فۆڕمی وەرگرتنی یەکەی نیشتەجێبوون پڕبکەنەوە، بڕیاردرا پرۆسەکە تا 1 ی شوبات درێژبکرێتەوە.
لە 8 ی ئابی ئەمساڵ پرۆسەی دابەشکردنی یەکەی نیشتەجێبوون بۆ خێزانە کەمدەرامەتەکان دەستیپێکرد، کە زیاتر لە نۆ هەزار یەکەی نیشتەجێبوونە و لەچوارچێوەی یاسای نیشتەجێبووندا دروستکراون، بەشێکیان تەواوکراون و بەشێکیان کارکردن تیایاندا بەردەوامە.
