وەزارەتی کۆچ و کۆچبەرانی عێراق بڵاویکردەوە، ژمارەی ئاوارەکان لە هەرێم کەمیانکردووە و لەمساڵدا سێ کەمپ داخراون.
عەلی عەباس جهانگیر وتەبێژی وەزارەتی کۆچ و کۆچبەرانی عێراق رایگەیاند، لە دوو ساڵی رابردوودا 38 هەزار خێزانی ئاوارە لە کەمپەکانی هەرێمدا هەبوون، ئەمساڵ بەشێکی زۆریان گەڕاونەتەوە ناوچەکانی خۆیان، بەپێی دوایین ئامار 33 هەزار و 500 خێزانی ئاوارە لە هەرێم ماون.
ئاشکراشیکرد، لەماوەی ئەمساڵدا هەریەکە لە کەمپەکانی عەربەت، قۆرەتوو و جەدعە 5 داخراون.
جەختیشیکردەوە، سوورین لەسەر ناردنەوەی ئاوارەکان بۆ زێدی خۆیان و پرۆسەی هاوکاریکردنیان بۆ گەڕاندنەوەیان بەردەوام دەبێت.
