بەڕێوەبەرایەتیی رەگەزنامە و باری شارستانیی سلێمانی پابەندبوونی خۆی بە بڕیاری وەزارەتی ناوخۆی عێراق سەبارەت بە کارتی نیشتمانیی راگەیاند.
بەڕێوەبەرایەتیی رەگەزنامە و باری شارستانیی سلێمانی لە راگەیەندراوێکدا بڵاویکردەوە، لەکۆنفڕانسی ساڵانەی وەزیری ناوخۆی عێراق رایگەیاند، “بڕیاردراوە کە تا کۆتایی مانگی شوبات دەبێت هەموو هاوڵاتییان خاوەنی کارتی نیشتمانی بن و کار بەهیچ بەڵگەنامەیەکی دیکەی وەک(پێناسی باری شارستانی، ڕەگەزنامەی عێراقی)ناکرێت”، بەڕێوەبەرایەتیمان پابەندە بەجێبەجێکردنی بڕیارەکە.
ئاماژەی بەوەشکرد، لە داوی کۆتاییهاتنی پشووەکانی سەری ساڵی نوێ ، چاوەڕوانی گەیشتنی رێنمایی پێویست دەکەین تاوەکو بتوانین بە ئاسانترین رێکار و شێواز بڕیارەکە جێبەجێبکەین و لە خزمەت هاوڵاتییانی شارەکەماندا بین.
