بەڕێوەبەرایەتیی گشتیی دژەتیرۆر بە هاوبەشیی هێزەكانی پێشمەرگە و پۆلیسی فریاكەوتن و سوپای عێراق لە دوو میحوەرەوە ئۆپەراسیۆنێكی فراوانیان بۆ لەناوبردنی تیرۆریستانی داعش لە ناوچەكانی نێوان كفری و خورماتوو دەستپێكرد.
بەپێی ڕاگەیەندراوێكی بەڕێوەبەرایەتیی گشتیی دژەتیرۆر بە هاوبەشیی هێزەكانی پێشمەرگە و پۆلیسی فریاكەوتن و سوپای عێراق لە دوو میحوەرەوە ئۆپەراسیۆنێكی فراوانیان بۆ لەناوبردنی تیرۆریستانی داعش لە ناوچەكانی نێوان كفری و خورماتوو دەستپێكرد.
ئاماژە بەوە كراوە، بەڕێوەبەرایەتی گشتیی دژەتیرۆر ئامانجی لە ئەنجامدانی ئۆپەراسیۆنەكە خستۆتەڕوو، كە بنبڕكردنی تیرۆریستانی داعشە لە سنوورەكە و كۆتایهێنان بە جموجوڵەكانیانە چونكە لەماوەی ڕابردوودا چەند مەفرەزەیەكیان بینراوە و هەوڵیانداوە كردەوەی تیرۆریستی ئەنجامبدەن.
لە ڕاگەیەندراوەكە هاتووە، ئۆپەراسیۆنەكان لە دوو میحوەرەوە دەستپێكردووە میحوەری یەكەم لە كفری، سلێمان بەگ، خورماتوو و میحوەری دووەم ناوچەی داوێ و گوندەكانی بناری غەڕە بووە .
