بەرێوەبەرایەتیی بەنداوەکانی هەرێم بڵاویکردەوە، بەهۆی ئەو بارانەی لە ماوەی 24 کاتژمێری رابردوودا باریوە، دۆخی بەنداوەکان لە ئاستێکی باشدان.
بەپێی ئەو ئامارانەی بەڕێوەبەرایەتیی بەنداوەکانی هەرێم بڵاویکردووەتەوە، لە 24 کاتژمێری رابردوودا ئاوی بەنداوی دوکان 42 سانتیممەتر بەرزبووەتەوە، 45 ملیۆن مەتر سێجا ئاو زیادیکردووە تێیدا.
هەر بەپێی ئامارەکان، ئاستی ئاوی بەنداوی دەربەندیخان 15 سانتیممەتر بەرزبووەتەوە، لە ئێستادا 10 ملیۆن مەتر سێجا ئاوی بۆ زیادبووە.
هاوکات ئاستی ئاوی بەنداوی دهۆکیش 15 سانتیممەتر بەرزبووەتەوە لە ئێستاشدا 0.25 ملیۆن مەتر سێجا ئاوی بۆ هاتووە.
