نوسینگەی هەولێری کۆمسیۆنی باڵای سەربەخۆیی هەڵبژاردنەکان رێژەی بەشداریکردنی دەنگدەرانی لە پرۆسەی دەنگدانی تایبەت لە ناوخۆی پارێزگاکە راگەیاند.
بەپێی راپۆرتی نوسینگەی هەڵبژاردنەکانی هەولێر، ئەمڕۆ 15هەزار و 492 کەس لە هێزە ئەمنییەکان لە شاری هەولێر مافی دەنگدانیان هەبووە، لەو ژمارەیە 13 هەزار و 424 کەس دەنگیانداوە، رێژەی بەشداربووان لە ریزی هێزە ئەمنییەکاندا %86.6 بووە.
هەر بەپێی راپۆرتەکە، پێنج هەزار و 23 ئاوارە مافی دەنگدانیان هەبووە و لەو ژمارەیە سێ هەزار و 163 کەس بەشدارییان کردووە، رێژەی دەنگدان 63% بووە.
