بنکەی نوێی تەندروستیی پەروێزخان کرایەوە و بەپێی راگەیاندراوێکی تەندروستیی گەرمیان، جگە لە کارمەندانی دەروازەی پەروێزخان، هاوڵاتییانی گوندەکانی دەوروبەریشی دەتوانن لە بنکەکە سودمەند ببن.
بەڕێوەبەرایەتیی گشتیی تەندروستی گەرمیان لە راگەیاندراوێکدا بڵاویکردەوە، ئەمڕۆ بنکەی نوێی تەندروستیی پەروێزخان کرایەوە.
باس لەوەش دەکات، بنکەکە بە شێوازێکی نوێ و مۆدێرن بە هەماهەنگیی نێوان بەڕێوبەرایەتی گشتیی تەندروستی گەرمیان و بەرێوەبەرایەتیی دەروازەی پەروێزخان دروستکراوە و چەندین هۆڵ و بەشی جیاواز لەخۆدەگرێت و ستافی پزیشکیی و تەندروستیی پێویستی بۆ دابینکراوە.
لە راگەیاندراوەکەدا هاتووە، “جگە لەو هاوڵاتییانەی کاریان لەناو دەروازەکەیە، دانیشتووانی گوندەکانی دەوروبەریش دەتوانن سوودمەند بن لە خزمەتگوزارییەکانی بنکەکە، لە ئێستاشدا بەشی تاقیگە و قاوشی نەخۆشی نێر و مێ و چەندین بەش بۆ بنکەکە کراوەتەوە و بڕیارە لە ئایندەدا خزمەتگوزارییەکانی زیاتر و باشتر بکرێت”.
