دوای دوو رۆژ لە خنکانی لە ئاوی زێی بچووکدا تەرمی منداڵێکی تەمەن 10 ساڵان دۆزرایەوە.
بەڕێوەبەرایەتیی بەرگریی شارستانیی کۆیە بڵاویکردەوە، دوای ئەوەی لە چەند رۆژی رابردوودا منداڵێک لە گوندی کڵێسە سەر با ناحیەی ئاشتی لە ئاوی زێی بچووک خنکا، بەیانی ئەمڕۆ توانرا تەرمەکەی بدۆزرێتەوە.
ئاشکراشیکرد، منداڵەکە ناوی شیا شاهینە و تەمەنی 10 ساڵانە و دوای دەرهێنانەوەی تەرمەکەی رادەستی کەسوکاری کرایەوە.
