بەبۆنەی نزیکبوونەوەی وادەی هەڵبژاردنی ئەنجومەنی پارێزگاکان، وەزارەتی پەروەردەی عێراق دەوامی سەرجەم خوێندنگە حکومی و ئەهلییەکانی راگرت.
وەزارەتی پەروەردەی عێراق لە نووسراوێکدا بڵاویکردەوە، لە سبەینێ سێشەمەوە دەوامی سەرجەم خوێندنگە ئەهلی و حکومییەکان رادەگیرێت بۆ ماوەی یەک هەفتە.
ئاشکراشیکرد، هەر لایەنێک پابەند نەبێت رووبەڕووی لێپێچینەوە دەبێتەوە.
بڕیارەکەی وەزارەتی پەروەردە لەسەر داواکاری کۆمسیۆنی باڵای هەڵبژاردنەکانی عێراقە، بە مەبەستی تەواوکردنی ئامادەکارییەکانی هەڵبژاردن لە 18 ی ئەم مانگەدا.
