وتەبێژی پۆلیسی کۆیە ڕایگەیاند، لەسەر کێشەی زەوی و زار لە گوندی ئەشکەوت سەقای نزیک ناحیەی دێگەڵە دوو بنەماڵە بەشەڕهاتوون و بەهۆیەوە چوار کەس کوژراون.
عەمید عەلی عەبدوڵا، وتەبێژی پۆلیسی قەزای کۆیە ئەمڕۆ یەکی کانونی دووەم، بە تۆڕی میدیایی ئێستای ڕاگەیاند، “کێشەی ئەو دوو بنەماڵەیە لەسەر زەوی و زاربووە و لەگەڵ دروستبوونی شەڕەکەدا تەقەیان لەیەک کردووە و بەهۆیەوە باوکێک و دوو کوڕ کوژراون و لە بنەماڵەکەی دیکەش کوڕێک کوژراوە و باوکی بریندارە”.
وتەبێژی پۆلیسی کۆیە ئاشکراشیکرد، “لە ڕوداوەکەدا سێ بریندار هەیە و تیمەکانی فریاکەوتن گەیشتوون بۆ بەڕێکردنیان بۆ نەخۆشخانە”.
ئەم ڕوداوە دەبێتە یەکەم ڕوداوی گیان لە دەستدان بەهۆی شەڕەوە لە ئەمساڵدا، کە بەهۆیەوە لە بنەماڵەیەک دوو کوڕ و باوکێک کوژراون و لە بنەماڵەکەی دیکەش کوڕێکیان کوژراوە و برینداریشیان هەیە.
