پێشبینی دەکرێت تا کۆتایی ئەمساڵ داواکردنی خواردن لە رێگەی ئینتەرنێتەوە و گەیاندنی لە عێراق بگاتە 845 ملیۆن دۆلار.
بەپێی داتایەک، ئەمساڵ بازاڕی گەیاندنی خواردن بە رێژەی %19.40 بەرزبوونەوەی بەخۆیەوە بینیوە و چاوەڕوان دەکرێت تا کۆتایی ساڵ بگاتە 845 ملیۆن دۆلاری ئەمریکی.
پێشبینی دەکرێت بۆ ساڵی داهاتوو رێژەی گەشەکردنی ئەم بازاڕە بۆ %26، بەرزببێتەوە و تا ساڵی 2028 بگاتە دوو ملیار دۆلاری ئەمریکی
لە ئاستی جیهاندا لە رووی داهاتی داواکردنی خواردن لە رێگەی ئینتەرنێتەوە چین لە پلەی یەکەمدایە و ئەمساڵ لەو رێگەیەوە 395.90 ملیار دۆلار داهاتی بووە.
