لە هەڵمەتێكدا لە نێوان مەرزی باشماخەوە تا قەزای پێنجوێن هەزار نەمام روێندران.
هەڵمەتەكە رۆژی 30ی تشرینی دووەم بە رواندنی هەزار نەمام لە جۆری (توو) لە سەر رێگای مەرزی باشماخەوە تا ناو شاری پێنجوێن ئەنجامدرا، هەروەها نزیکەی دوو هەزار نەمامی دیكەش درایە هاوڵاتیان بەمەبەستی بەشدارییان لە سەوزكردنی سنوورەكە.
ئەو هەڵمەتە بە ئامادەبوون و هەماهەنگی بەشی پۆلیسی دارستانی پێنجوێن، سەرپەرشتیاری مەرزی نێودەوڵەتیی باشماخ، لایەنە پەیوەندیدارەکانی قەزای پێنجوێن، رێکخراو و کەسایەتییەکانی سنوورەکە بەڕێوەچوو.
سەرجەم نەمامەكان لەلایەن كەسایەتیی سنوورەكە (حاجی حەبیب کانی شابانی)ەوە دابینکراوە، وەك ئەوەی بەڕێوەبەرایەتیی پۆلیسی دارستان و ژینگەی سلێمانی بڵاویكردووەتەوە.
