بەڕێوەبەرایەتیی گشتیی كەشناسی و بوومەلەرزەزانی هەرێمی كوردستان بڵاویكردەوە، ئێوارەی ئەمڕۆ خۆڵبارین لە هەرێمی كوردستان كۆتاییدێت، سبەینێش ئاسمان پەڵەهەور دەبێت.
كەشناسیی هەرێم پێشبینییەكانی بۆ كەشوهەوای ئەمڕۆ و سبەینێی بڵاوكردووەتەوە، ئەمڕۆ هەینی لە زۆربەی ناوچەكانی هەرێمی كوردستان ئاسمان نیمچەهەور بۆ هەوری تەواو دەبێت، لەگەڵ هەبوونی تۆزێكی سووك و نمەباران لە چەند ناوچەیەك بە كاتی جیاواز.
لەبارەی خۆڵبارینیشەوە، كەشناسی ئاشكرایكردووە، لەكاتەكانی ئێوارەدا كاریگەریی تۆز و خۆڵبارین نامێنێت”.
بۆ سبەینێش ئاسمانی هەرێمی كوردستان پەڵەهەور و نیمچەهەور دەبێت، وەك ئەوەی كەشناسی پێشبینی كردووە.
