سەرۆكایەتیی شارەوانیی سلێمانی ئاگاداری ئەو هاوڵاتییانە دەكاتەوە كە داواكارییان پێشكەشكردووە بۆ تاپۆكردنی خانووە زیادەڕۆكانیان مامەڵەكانیان تەواوبووە و وەڵامیان دراوەتەوە و دەتوانن سەردانی بەشی موڵكایەتی بكەن لە شارەوانیی سلێمانی.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەو هاوڵاتییانەی داواكارییان پێشكەش بە پارێزگای سلێمانی كردبوو بۆ تاپۆكردنی خانووە زیادەڕۆكانیان مامەڵەكانیان تەواوبووە و لەلایەن لیژنەی باڵای جێبەجێكردنی یاسای ژمارە 3ی ساڵی 2019 هەمواركراو وەڵامی یەكلاكەرەوەیان لەسەر دراوە.
هەر لە راگەیەندراوەكەدا هاتووە، دەتوانن لە سبەینێوە سەردانی بەشی موڵكایەتی بكەن لە نهۆمی یەكەمی شارەوانیی سلێمانی بە مەبەستی زانینی ئەنجامی داواكارییەكانیان.
