مستەفا چاوڕەش دوای وەرگرتنی قەڵغانی شكۆمەندی، لە لێدوانێكدا بە تۆڕی میدیایی ئێستای راگەیاند، ئەمڕۆ رێزلێنانێكی گەورەم بۆ رێكخرا كە سەرجەم فەرماندەكانی پێشمەرگە و كادیرانی یەكێتی ئامادەبوون و یەكەمجارە لە مێژووی یەكێتیدا رێزلێنانی لەو شێوەیە رێكبخرێت و سوپاسی سەرۆك بافڵ و سەرجەم ئامادەبووان دەكەم.
راشیگەیاند، رێزلێنانەكەی ئەمڕۆ، رێزلێنانە لە شەهیدانی یەكێتی، خەباتی یەكێتی و سەرۆك مام جەلال كە یەك رۆژ لە ریزەكانی یەكێتی دانەبڕاوم لە رۆژگارە سەختەكاندا بەردەوامبووم.
وتیشی، “لە قۆناغەكانی داهاتوودا لە نێو ریزەكانی یەكێتیی نیشتمانیی كوردستاندا بەرپرسیارێتییەكی نوێ وەردەگرم”.
