سەرچاوەیەك لە وەزارەتی دارایی و ئابوری هەرێم رایگەیاند، لیستی مووچە كەمترین تێبینی لەسەر بووە و وردبینیی كۆتایی پێهاتووە.
سەرچاوەیەك لە وەزارەتی دارایی و ئابوری هەرێم، بەتۆڕی میدیایی ئێستای راگەیاند، لە ئێستادا وەفدەكەی هەرێم كارەكانیان تەواو كردووە و وەزارەتی دارایی عێراق كەمترین تێبینی لەسەر لیستی مووچەی مووچەخۆرانی هەرێم هەبووە.
ئاماژەی بەوەشكردووە، وردبینی تەواو بووە و لە ئێستادا تەواوی رێكارەكان بۆ ناردنی مووچەی مووچەخۆران بۆ مانگی 3 تەواو بوون و تەنها واژووی وەزیری دارایی عێراق ماوە بۆ ئەوەی مووچە رەوانەبكرێت.
ئەو سەرچاوەیە پشتڕاستیشیكردەوە، پاش واژووكردن تەموولی مووچە ئەنجامدەدرێت و سبەی یاخود ئەمڕۆ مووچەی مووچەخۆرانی هەرێم رەوانەدەكرێت.
