بەیانی ئەمڕۆ، گەنجێک، کە پێش پێنج ڕۆژ بریندارکرابوو، لە نەخۆشخانە گیانیلەدەستدا.
پەیامنێری تۆڕی میدیایی ئێستا لە سلێمانی ڕایگەیاند، ئەو گەنجە بەر لە پێنج ڕۆژ لەلایەن چەند کەسێکەوە لە گەڕەکی ئازادیی شاری سلێمانی بریندارکرابوو.
ئەو گەنجە ناوی (م . م)ە و تەمەنی 22 ساڵە، ماڵیان لە گەڕەکی ئازادیی شاری سلێمانییە.
بەپێی ئەو زانیارییانەی دەست تۆڕی میدیایی ئێستا کەوتووە، بەر لە پێنج ڕۆژ لەلایەن شەش کەسەوە لە باخێکی گەڕەکی ئازادی، دوای ئەوەی ئەشکەنجە دراوە، فیشەکێک نراوە بەسەریەوە.
ئەو گەنجە دوای ئەوەی گەیەنراوەتە نەخۆسخانە، لەماوەی پێنج ڕۆژی ڕابردوودا بێهۆشبووە و ئەمڕۆ گیانیلەدەستدا.
هەر لەسەر ئەو ڕووداوە، شەش کەس لەلایەن پۆلیسی سلێمانییەوە دەستگیرکراون.
