وەزارەتی تەندروستی ریكلامكردن بۆ ئەو جۆرانە لە چا و قاوە قەدەغەدەكات كە تایبەتن بە دابەزاندن یان زیادكردنی كێش و شوێنی فرۆشتنیشیان دیاریدەكات.
سەرکار سورچی، وتەبێژی وەزارەتی تەندروستیی هەرێم رایگەیاند، وەزارەتی تەندروستی بڕیاریدا ئەو چا و قاوانەی كە بە مەبەستی دابەزاندنی كێش یاخود زیادكردنی كێش بەكاردەهێندرێن، پێویستە لە رێگەی کوالێتیی کۆنتڕۆڵی جۆری دەرمان (KMCA) رێگەپێدانیان پێبدرێت و، ستیكەریان لێبدرێت و تەنها لە دەرمانخانەكان بفرۆشرێن.
وتیشی، “ریكلامكردن بۆیان بە هەموو شێوەیەك قەدەغەیە، لە راگەیاندنەكانی بینراو و بیستراو و نوسراو و تۆڕە كۆمەڵایەتییەكان”.
