کۆبوونەوەی نێوان شاندی هەرێمی کوردستان و محەمەد شیاع سودانی، سەرۆک وەزیرانی عێراق لە بەغداد دەستیپێکرد.
پێشتر وەزارەتی دارایی و ئابوری هەرێمی کوردستان رایگەیەندبوو، “سەبارەت بە پرسی مووچەی فەرمانبەرانی هەرێم و هەموارکردنەوەی یاسای بودجە و پڕۆسەی هەناردەکردنەوەی نەوتی هەرێم شاندێکی کوردستان بەرەو بەغداد بەڕێکەوتن”.
ئەندامانی شاندەکە بریتین لە ئاوات جەناب نوری، وەزیری دارایی و ئابوری، د. ئومێد سەباح، سەرۆکی دیوانی ئەنجومەنی وەزیران، د. ئامانج رەحیم، سکرتێری ئەنجومەنی وەزیران، د. عەبدول حەکیم خەسرۆ، سەرۆکی فەرمانگەی هەماهەنگی و بەدواداچوون، خالید هادی چاوشلی، راوێژکار لە ئەنجومەنی وەزیران.
