بەڕێوبەرایەتیی كۆمەڵگەی نێودەوڵەتیی باشماخ، سكاڵای دژی عەلی حەمەساڵح پەرلەمانتاری فراكسیۆنی گۆڕان تۆماركردووە، دادگای لێكۆڵینەوەی پێنجوێن-ش داوای هەڵگرتنی پارێزبەندی لەسەر ناوبراو دەكات.
دادگای لێكۆڵینەوەی پێنجوێن، لەسەر سكاڵایەكی بەڕێوبەرایەتیی كۆمەڵگەی نێودەوڵەتیی باشماخ كە سكاڵایان دژی پەرلەمانتاری فراكسیۆنی گۆڕان عەلی حەمەساڵح تۆماركردووە، داوای هەڵگرتنی پارێزبەندی و گرتنەبەری ڕێكاری یاسایی بەرانبەر بە پەرلەمانتاری ناوبراو دەكات.
لە نووسراوێكدا كە ئاڕاستەی پەرلەمانی كوردستان-ی كردووە، دادگای لێكۆڵینەوەی پێنجوێن داوا دەكات پارێزبەندی لە عەلی حەمەساڵح وەربگیرێت و ڕێوشوێنی یاسایی بەرانبەر بگیرێتەبەر، چونكە وەك نووسراوەكە ئاماژەی بۆكردووە، بەڕێوبەرایەتیی كۆمەڵگەی نێودەوڵەتیی باشماخ سكاڵای دژی پەرلەمانتاری ناوبراو تۆماركردووە، بە تۆمەتی ئەوەی عەلی حەمەساڵح لە تۆڕی كۆمەڵایەتیی فەیسبووك-دا تۆمەتی “ئاودیوكردنی بارهەڵگری قاچاخ و بێگومرگ”ی داوەتەپاڵ بەڕێوبەرایەتیی كۆمەڵگەی نێودەوڵەتیی باشماخ.
