تا ئێستا ڤایرۆسی کۆرۆنا هەڕەشەیەکی جدییە و رێکخراوی تەندروستیی جیهانیش هۆشداری لە بڵاوبوونەوەی گۆڕاوی نوێی ڤایرۆسەکە دەدات.
شارەزایەک لە رێکخراوی تەندروستیی جیهانی رایگەیاند، ڤایرۆسی سارس-کۆڤ-2 لەم کاتەی ئێستادا لە هەموو وڵاتێکدا هەیە و هەڕەشە لە تەندروستیی هاوڵاتییان دەکات.
ئاماژەی بەوەشکرد، تا ئێستا ڤایرۆسی کۆرۆنا ماوە و بەردەوام لە خۆگۆڕین و گەشەکردن و بڵاوبوونەوەدایە.
ئاشکراشیکرد، لە ئێستادا گۆڕاوەکانی XBB.1.5، XXB.1.16، EG.5 جێگەی نیگەرانین، شەش گۆڕاوی دیکەش لەژێر چاودێریدان.
