پزیشکێکی شاری سلێمانی لە بۆردی عەرەبی پلەی یەکەمی لەسەر ئاستی عێراق بۆ پسپۆڕیی تیشك و سۆنەر، بەدەستهێنا .
بەڕێوەبەرایەتیی گشتیی تەندروستیی سلێمانی لە راگەیەندراوێکدا بڵاویکردەوە، د. لەنجە دڵشاد، کە خوێندکاری بۆردی عێراقیی پزیشکیی بەڕێوەبەرایەتیی گشتیی تەندروستیی سلێمانی بوو، توانی پلەی یەکەم لەسەر ئاستی عێراق بەدەستبهێنێت لە پسپۆڕی تیشك و سۆنەر.
بەڕێوەبەرایەتییەکە لە راگەیەندراوەکەدا دەڵێت، ساڵی رابردووش لە هەمان پسپۆڕی سەنتەری سلێمانی لەسەر ئاستی وڵاتانی عەرەب تاکە سەنتەر بوو رێژەی دەرچوون تیایدا (100٪) بوو و سێ پزیشکی سلێمانی لە یەکەمەکان بوون بە ناوەکانی( د. نەوا عبدالحەمید، د. هەرێز جەمیل و د. عادل عوسمان).
لە راگەیەندراوەکەدا هاتووە، ئەمەش سەلمێنەری ئەوەیە کە ئاستی فێرکاری لە سەنتەری سلێمانی لە بواری تیشک و سۆنەر لە ئاستێکی بەرزدایە، ساڵانە یەکەمەکانی ئەو بوارە لە بۆردەکانی کوردی و عێراقی- عەرەبی بەدەستدەهێنن.
