رێکخراوی تەندروستیی جیهانی رایگەیاند، بەشێک لە وڵاتانی جیهان مەترسیی بڵاوبوونەوەی زۆری ڤایرۆسەکان و نەخۆشییە مەترسیدارەکانیان لەسەرە و ئەوەش بەهۆی گۆڕانکارییەکانی ئاووهەواوە.
رێکخراوەکە رایگەیاندووە، وڵاتانی باکووری جیهان مەترسیی بڵاوبوونەوەی ڤایرۆسی تای خوێنبەربوون و زیکا و چیکۆنگونیایان لەسەرە، لە هەمان کاتدا گۆڕانکارییەکانی ئاووهەوا رێژەی گواستنەوەی نەخۆشییەکان بەهۆی مێشوولەوە زیاتر دەکات.
لەگەڵ زیاتربوونی روودانی کارەساتەکانی ئاووهەوا، شارەزایان ترسیان هەیە کە نەخۆشییە گواستراوەکان بەهۆی مێرووەکانەوە زیاتر ببن.
