ئەندامێکی لیژنەی یاسایی لە ئەنجومەنی نوێنەرانی عێراق رایگەیاند، هەڵبژاردنی شوێنگرەوەی محەمەد حەلبوسی لە پۆستی سەرۆکایەتی ئەنجومەنی نوێنەران پەیوەستە بە رێکەوتنی لایەنە سونییەکانەوە.
عارف حەمامی ئەندامی لیژنەی یاسایی لە ئەنجومەنی نوێنەرانی عێراق بە میدیا عێراقییەکانی راگەیاند، هەڵبژاردنی سەرۆکی نوێی ئەنجومەنی نوێنەران، پەیوەستە بە رێکەوتنی لایەنە سونییەکانەوە لەسەر کاندیدێک بۆیە وادەیەک نییە بۆ ئەو مەسەلەیە.
ئاماژەی بەوەشکرد، لایەنە سیاسییە شیعییەکانی ناو چێوەی هەماهەنگی رۆڵی گرنگ لە نزیکردنەوەی بۆچوونەکان دەبینن لەنێوان کوتلە سونییەکاندا لە پرسی هەڵبژاردنی سەرۆکی نوێی ئەنجومەنی نوێنەران.
