وەزیری نەوتی عێراق سووربوونی حكومەتی فیدراڵی لەسەر داواكارییەكانیان لەبارەی دروستكردنی كۆمپانیایەكی نەوت و پێشنیازەكانی دیكە لەبارەی نەوتی هەرێمەوە دووپاتدەكاتەوە، ڕەخنەی ئەوە دەگرێت، هەرێم لەبری ئەوەی بە فەرمی وەڵامیان بداتەوە، لە ڕاگەیاندنەكانەوە وەڵامدەداتەوە.
ئیحسان عەبدلوجەبار، وەزیری نەوتی عێراق لە میانەی بەشداریكردنی لە بەرنامەیەكی كەناڵی عێراقیە، كە مییدیای فەرمیی دەوڵەتە، باسی چەند پرسێكی تایبەت بە نەوتی عێراق و هەرێمی كوردستانی كرد و دەڵێت، وەزارەتەكەی چەند پڕۆژەیەكی سەركەوتووی لەبارەی كەرتی نەوت خستووەتە بواری جێبەجێكردنەوە، پەرەی زیاتریش بە كەرتی نەوت و غاز دەدەن، وەكو خۆی دەڵێت، دەیانەوێت نەوتی زیاتر بەرهەمبهێنن و داهاتی زیاتریش بۆ عێراق بەدەستبێنن.
عەبدولجەبار لەبارەی دۆسیەی نەوتی هەرێمیشەوە قسەی كرد، دووبارەیكردەوە، “بهپێی ئهو دهسهڵاتهی كە دادگای فیدراڵی پێیداوین، دەتوانین بەدواداچوون بۆ گرێبهسته نهوتییهكانی ههرێم بكەین، یان ههڵیبوهشێنینهوه”.
دەربارەی داواكارییهكانی وەزارەتەكەی و بڕیارهكهی دادگای فیدراڵی لەبارەی نەوتی هەرێم، ئیحسان عەبدولجەبار وەك ڕەخنەیەك ڕایگەیاند، “حكومهتی ههرێم له ڕێگای میدیاوه وهڵامی ئێمه دهداتهوه، لەبری ئەوەی بە فەرمی وەڵام بداتەوە”.
وەزیری نەوتی عێراق بەشێك لە وەڵامی ناو میدیاكانی بە ئەرێنی وەسفكردووە، بەڵام دووپاتیكردەوە، كە ئەوان چاوەڕوانی وەڵامی فەرمین، سووربوو لەسەر ئەوەی “پێشنیاز و داواكارییەكانمان لەبارەی نەوتی هەرێمەوە یاسایی و فیدراڵین و نەگۆڕن”.
یەكێك لە ڕەخنەكانی بەغداد لە پرۆسەی نەوتی هەرێمی كوردستان، هەرزانفرۆشكردنێتی، وەزیرە عێراقییەكە دووبارەیكردەوە، “ئێمه قبوڵی ناكهین نهوتی ههرێم به كهمتر له نرخی سۆمۆ بفرۆشرێت و جیاوازییەكەی زیاتربێت لە 11%، تهنیا لهبهر ئهوهی خهرجی بهرههمهێنانی نهوت دهگاته 59%”.
نەیشاردەوە، بەو هۆیەوە هەرێمی كوردستان هەوڵی كەمكردنەوەی جیاوازییەكەی داوە.
هەروەها جارێكی دیكە باسی ئەوەیكردەوە، كە بڕیاریانداوه به دامهزراندنی كۆمپانیای نهوتی كوردستان، بهمهرجێك لهژێر چاودێریی حكومهتی فیدراڵدا بێت، بڕیاری دروستكردنی ههژمارێكی بانكیشیان داوە بۆ داهاتی نهوتی ههرێم.
پیشتر عێراق لەبارەی بۆریی نەوتی جیهانەوە سكاڵایەكی تۆماركردبوو، وەزیرە عێراقییەكە ئاشكرایكرد، دۆسیەكەیان لە دادگای پاریسە و دەستبەرداری ئەو پرسە نەبوون، ”چونكە توركیا بهشێوهیهكی نایاسایی ئهم بۆرییه بهكاردههێنێت”.
