بەڕێوەبەرایەتیی دابەشکردنی کارەبای خۆرئاوای سلێمانی رایدەگەیەنێت، “جەخت لە باشتر ڕاپەڕاندنی کارەکانی هۆبەکانی چاکسازی و زیاتر خزمەتی هاوڵاتییان و ئامادەکارییەکان بۆ وەرزی زستان دەکەینەوە”.
لەو بارەیەوە دیار عەبدولستار، بەڕێوەبەری بەڕێوەبەرایەتیی دابەشکردنی کارەبای خۆرئاوای سلێمانی رایگەیاند، “وەک ئامادەکاریی بۆ وەرزی زستان و باشتر بەڕێوەبردنی کاروباری هاوڵاتییان پێشنیوەڕۆی ئەمڕۆ لەگەڵ لێپرسراوانی سەرجەم هۆبەکانی چاکسازی کۆبووینەوە”.
ئەوەشی خستەڕوو، “لە کۆبوونەوەکە جەختمان لەسەر باشتر راپەڕاندنی کارەکانی هۆبەکانی چاکسازی و زیاتر خزمەتکردنی هاوڵاتییان و هاوبەشانی کارەبا و ئامادەکارییەکان بۆ وەرزی زستان و چارەسەرکردنی خێرای کێشەکان کردەوە”.
