بەڕێوەبەرایەتیی گەشتوگوزاری پارێزگای هەڵەبجە رایدەگەیەنێت، لە رۆژانی جەژنی قورباندا زیاتر لە 100هەزار گەشتیار سەردانی ناوچە گەشتیارییەكانی پارێزگای هەڵەبجەیان كردووە.
بەپێی راگەیەندراوێكی گەشتوگوزاری هەڵەبجە كە وێنەیەكی دەست تۆڕی میدیایی ئێستا كەوتووە و تێیدا هاتووە، لە ماوەی چوار ڕۆژی جەژنی قوربانی پیرۆزدا زیاتر لە 100 هەزار گەشتیار سەردانی ناوچە گەشتیارییەكانی پارێزگای هەڵەبجەیان كردووە و لە و رێژەیەش 75 هەزار گەشتیار لە پارێزگاكانی عێراق و 25 هەزار گەشتیار لە ناوخۆی هەرێمی كوردستان بوون.
لە راگەیەندراوەكەدا هاتووە، لە ڕۆژانی جەژندا تیمەكانی بەڕێوەبەرایەتیمان توانیوویانە 13 سەرپێچی تۆمار بكەن و غەرامەی ئەو بنكە و شوێنە گەشتیارییانە بكەن كە پابەندی پاك وخاوێنی و نرخەكان نەبوون.
ئاماژە بۆ ئەوەش كراوەن 21 ئاگاداركردنەوە كراوە بۆ شوێنی گەشتیاری و چێشتخانە و گەراجەكان و تیمەكانی بەڕێوەبەرایەتیی گشتیی شارەوانییەكانی هەڵەبجە توانیوویانە 83 تۆن خۆڵ و خاشاك لە ناوچە گەشتیارییەكان پاكبكەنەوە.
