پارتی بۆ یەكێتی: خۆشگوزەرانی بۆ هاوڵاتییان دابین بكەین

مەكتەبی سیاسیی پارتی پیرۆزبایی لە هاوتا یەكێتییەكەی دەكات، جەخت لە هەماهەنگی و یەكڕیزیی نێوانیان دەكاتەوە بۆ “دابینكردنی خۆشگوزەرانی و بەختەوەریی بۆ هاوڵاتییان”.

مەكتەبی سیاسی پارتی دیموكراتی كوردستان، بەبۆنەی 46هەمین ساڵیادی دامەزراندنی یەكێتیی نیشتمانی كوردستان، پەیامێکی ئاڕاستەی مەكتەبی سیاسیی حزبەكە كرد، دەڵێت، “یەكێتیی نیشتیمانیی كوردستان، هاوخەبات و هاوپەیمانێكی گرنگ و سەرەكیی پارتی دیموكراتی كوردستانە و ھاوشان لەگەڵ هێز و لایەنە سیاسییەكانی دیكە، ڕۆڵی كاریگەری هەبووە لە بەدیهاتن و پاراستنی دەسكەوتەكانمان”.

مەكتەبی سیاسیی پارتی ئەوەش بە یەكێتی دەڵێت، كە “ئومێدەوارین لەم قۆناغەشدا بەهەموو لایەك هەوڵ بدەین بۆ بەرزراگرتنی بەرژەوەندییە باڵاكانی نەتەوەیی و نیشتیمانییەکانمان و بەگیانی بەرپرسیارییەتی و نیشتیمانپەروەرییەوە، بەپێی پێویستی قۆناغەکە دەوری شیاوی خۆی ببینێ”.

پارتی جەختیشدەكاتەوە لەسەر “هەماهەنگی و تەبایی و یەكڕیزیمان شانبەشانی هێز و لایەنە سیاسیەكانی دیكەی كوردستان بۆ چارەسەركردنی كێشەو گیروگرفتەکان و دابینكردنی خۆشگوزەرانی و بەختەوەریی بۆ هاووڵاتیان و داكۆكیكردن لەو ئەزموونە و سووربوون لەسەر بەدیهێنانی تەواوی مافە رەواكانمان و پاراستی قەوارەی ھەرێمی کوردستان”.

بابەتی پێشتر

نرخی نەوت بۆ سەروو 70 دۆلار بەرزبووەوە

بابەتی دواتر

ئەزموونی یەكێتی لە شۆڕش و حوكمڕانیدا.. "گەڕانەوە بۆ خانووە قوڕەكان" ستراتیژی كۆن و نوێ

بابەتی پەیوەندیدار
زیاتر ببینە

پەرلەمانتارێك: بەپێی كارنامەكەی حكومەت بڕیارەكەی دادگای فیدڕاڵی لەبارەی نەوتی هەرێمەوە كاری پێناكرێت

ئەندامێكی لیژنەی دارایی لە ئەنجومەنی نوێنەرانی عێراق ڕایدەگەیەنێت، بەپێی كارنامەكەی كە محەمەد شیاع سودانی كاری لەسەردەكات بڕیارەكەی دادگای…
Total
0
Share