بەرشلۆنە لە ژێر دەستی چاڤیدا بەرەو دابەزینی ئاست دەچێت و ڕۆژنامەکانیش هۆشداری دەدەن بۆ خراپتر بونی دۆخەکە.
دوو ساڵە چاڤی ڕاهێنەری یانەى بەرشلۆنەیە و هیچ کاتێک بەهێندەى ئەم دوو مانگەى ڕابردوو ئاستی بەرشلۆنە خراپ نەبووە.
سەرباری ئەوەى لاپۆرتاى سەرۆکی بەرشلۆنە متمانەى خۆی بە چاڤی ڕاهێنەر دوپاتکردۆتەوە، بەڵام ڕاگەیاندنەکان پێیانوایە ڕاهێنەرەکە لە ژێر فشارێکی گەورەدایە.
بە پێی هەواڵی مۆندۆ و سپۆرت، لاپۆرتا بە چاڤی وتوە پێویستە بەزوترین کات ئاستی تیپەکە بەرز بکەیتەوە و گۆڕانکاری لە ڕوحیەتی یاریزانەکان بکەیت.
جگە لەوەى ئەنجامەکانی ئەم وەرزە بە دڵی هاندەران نییە و کەوتن و بەرزبونەوەى زۆری تیا بەدی دەکرێت.
